Dinosauros emplumados

Os dinosauros emplumados considéranse fósiles de transición entre dinosauros clásicos e aves. Era xa coñecido que as aves antigas como o Archaeopteryx tiñan moitas características de réptil, como dentes, e poutas nas súas dedas, e moitos anos antes teorizárase que os paxaros descendían de dinosauros terópodos. A finais dos anos 1990, os descubrimentos de dinosauros emplumados na China achegaron a proba concluínte da conexión, aínda que os detalles xenealóxicos estean a ser dilucidados. Demostrouse de moitos xeitos a relación de descendencia entre aves e dinosauros, xa que a súa similitude morfolóxica en canto ao cranio, a cadeira, as patas e as extremidades superiores é moi notable. As aves son claramente monofiléticas e os seus primeiros representantes atópanse no Xurásico (Protoavis, un fósil controvertido do finais do Triásico, é considerado non aviano pola maioría dos paleontólogos).